| Sa Nabua... |
| Written by Django | |
| Thursday, 30 August 2007 | |
|
Magayon na balikan Kanatong ginikanan Mga pinag-agiyan Tawo, pagkaon, tindan Parte’ng di malilingawan. Memoryang nagpuon Martial law na panahon. Na kada tipon-tipon bisita pauulion Alas dose di dapat abuton Sa tinampo, baka pulis sira rakpon. Mga organisasyon rungog-rungog, Saturdinian, Free Wheeling Unique, Jaycees, Lion’s 3-19 pirming i pabayle. Mga prominenteng apelyido, Belza, Largoza, saka Uvero Federis, Belmonte y Carino, Pira sanang ehemplo, mga apelyidong aktibo. Apelyidong bisto sa negosyo, Magistrado, Elgario Syempre isi na kin para sa uno. Kin panindang tu’bo saka pako My Fairmart ni Ocampo-Lo Saka syempre ni R.K. Manzano Agko pa man mga bisto Ngaran sana, uda apelyido Asim, Piti-piti, Potter, Polito Pag kanimong sinabi, tulos intendido. Sa Jesus na paradiadiaryo Nagbibisikleta, nagmotorsiklo Hasta nguwan a apelyido Diri ako tat-tao Kin anap mo man liempo Ki Tang Liloy o tang Tancio. Sari-saring tinda ki Tang Doro, Sa camarin siguradong agko. Kin ika mala na ka gumyan, Si Frank, si Sumayo iiyanan Su mga sastre di man pauuri, Junford (V6V7), saka Tang Winnie, Kin ika man babayi, Modestang Nang Lota, puyde man sa Society. Sa pulitiko na kanakong namulatan, Si Duran di malilingawan. Tang Sofio kaiba ni Tang Ulpiano Pati a kandang konsejo Nunez, Obis, Bermejo, Fortuno, Escuro y Dinero. Pati mga pading bisto San Andres y Alberto Bumisa ka sa patio Bendito itatao. Mga pararetrato Si Bert’s, saka Tang Lino (Atian - Tops) Tang Badong (Orbita) y si Reno (Agonos) Bon Vivant usad pang isi lumuog kadto di pa pwede ta uda pa bente y bigote. Pagrum-rum puputulon Pero adi susunudon. Pero kin abo na, sabiyon Ta ako man umuuyon. |
|
| Last Updated ( Saturday, 23 February 2008 ) |