Ginibo ading Nabua Forum ku Oktubre 2006 dahil sa uusad na rason: payaba ko a Nabua. Sa pagpapayabang adi migbirik a ngamin a mingyari o pingyariwon ta sadi Nabua Forum. Usad po ading kontribusyon ko para sa Nabua, kin sari ako namundag. Dakulong inspirasyon ko a Nabua, para kanako, mayaman talaga ading Banuaan ta sa sadiri tang tradisyon ag kultura na dapat sanang alagaan at payabaon ta. Namumuya ako na Nabuena-Pilipina ako. Nagpapasalamat ako na natuod akong mag-Rinconada. Ipinagmamalaki ko sa mga nag-uunga kin uno man a agko sa Nabua: na agko kita malang gayon na simban, na interesante a mga fiesta ta sa bawat barangay...Pinaka-una pong rason sa paggibo kadi website na adi a pagpromote kadi sadiri tang Banuaan -- buko sana sa Pilipinas o sa buong mundo, kundi kanato mismo, kitang mga taga-Nabua, tanganing buo tang ma-appreciar a banuaang pinanggalingan ta. Dakol a mga elementong dapat tang silngan pero para kanako, sa ngaran ka Nabua Forum, ana pagpapayaba ta sa sadiring kanato a usad sa mga pinakaimportanteng bagay na dapat tang tawan sa pansin. Mga taga-Nabua po kita. Rinconada a sarita ta. Ading pundasyon na adi, na uusad a pinanggalingan ta, na paryo a sarita ta, ag ngamin kita nagpapayaba sa Nabua, a mga rason kin pauno kita makakabuo sa mga programa ta. Siguro a iba kanato nagtatrabawo o nakapagtrabawo sa ibang lugar o bansa... Paryo ko, sa Manila po ako nagduag, sa ibang bansa nag-aadal, pero uusad man nanggad a tinuturing ko na pinanggalingan ko. Nabua po an.

Nasa-Nabua man kita nguwan, nasa ibang mga parte sa Pilipinas, o nasa abroad, naniniwala po ako na ngamin kita agko pananggad attachment sa Nabua. Sinasabi nirang “town of dollars” a Nabua. Dakol kaya kanato a naggagalin para sa ibang bansa, lalo na paiyan sa Amerika, para magsunod ka mga kapamilya ta sadto, o para maginu-a para sa kinabukasan ka mga kamag-anak ta. Gamit po ading website na adi, kintana lalo tang i-appreciate a Nabua, a banwaang pinagdakoloan ta…

Magbuo po kita sa online community para kumusog a network tang mga taga-Nabua. Dawa saring parte man kita ka mundo, buko ng imposible na magtinabang-tabangan at magkonekta sa mga kapwa tang taga-Nabua. Maginistoryan kita sadi. Anapon ta a mga ka-batch ta sa eskwela gamit adi. Mag-anap kita sa dati tang kabisto na diri ta na masyadong nakakabisara…

Ginagamit ko po a saritang Rinconada sadi para makabuo kita sa komunidad na sadiri ta, kin sari kita nagkakaintindiwan sa maray. Kaya ta man na mag-english, o mag-tagalog, o mag-Bicol, pero an pong sarita ta, na sadiri ta, na pwede ta pang payamanon. Kin a tagalog pirming ginagamit ara-aldow, kin a bisaya agko sadiring mga libro gamit a sadiri nirang wika, kita man, kaya ta man. Pwede man kitang magsurat sa mga tula, o sa dawa unong simpleng klaseng prose, gamit a sadiri tang sarita.

Sa website na adi,ipapayad ta po kin gauno ka importante a Nabua kanato.