| Pagkakakan nin Tinuktok |
|
|
|
| Written by Frank Penones Jr. | |
| Wednesday, 10 June 2009 | |
|
Kabilugan nin saiyang hawak sa simong palad: luway-luway ngona siyang kargahon, ibugtak asin sa tsinang plato pahigdaon. Dangan an mata ipirong mantang pinaparong nagbuswak na olor nagpapagiromdom nin gata, doros-dahon. Atyan, magian na hubadon gakod sa gubing niyang natong. Sunod, ibiklad, garo nagbabalad, an puting tipong niyang laman. Alagad, pugulan an kahidalian. Huling bunga man siya nin pasencia kaya tama sanang taan man siya nin seremonya siring sa mga Hapon sa tsaa. Giromdomon si nagguno kan bunga, an langkaw na sinakat niya. Siring man si nagpino, naggabot kan hilom ka'ning hamot garo tanglad na pinulpog. Pakatapos dilaan nin dikit, lipotok niyang sarsang mahamis, maalsom, maharang an namit. Dangan, magsibnit nin sadit mation an saiyang lumhok asin magkurahaw: Viva la virgen! |
| < Prev | Next > |
|---|
